काठमाडौं, ५ असार/रासस
कोरोना महामारीले सन् २०१९ अघि र त्यसपछिका मावनीय गतिविधिमा निकै अन्तर ल्याएको छ। महामारीले विश्वभर आतङ्क मच्चाइरहँदा एकाध महीना मानव समुदायका क्रियाकलाप स्थिरजस्तो देखिए पनि पछिल्लो समय वैकल्पिक माध्यमबाट विगतका लय पक्रिन थालेका छन्।
महामारीका कारण भौतिक उपस्थितिमा कठिनाइ देखिए पनि प्रविधिको प्रयोगबाट आफ्ना कर्मलाई नियमितता दिन अन्तर्राष्ट्रियजगत् लागेको छ। विश्वका हरेक कुनामा बस्ने व्यक्तिले अहिले त्यही प्रविधिको प्रयोग गर्दै आफूलाई एकापसमा नजीक ल्याइरहेका छन्।
कोरोना महामारीको दोस्रो लहरका बावजूद पनि पछिल्ला समयमा शैक्षिक, सामाजिक तथा आर्थिक गतिविधिले गति लिएका छन्। अध्ययन, अध्यापन, अनुसन्धानदेखि व्यापार–व्यवसायसम्म प्रविधिले सहजीकरण गरिरहेका छन्। शैक्षिक संस्थाले विभिन्न सफ्टवेयरको प्रयोग गरेर आफ्नो गतिविधिलाई निरन्तरता दिएका छन्। शिक्षक तथा विद्यार्थीले पनि आफूलाई त्यसमा अभ्यस्त बनाउँदै लगेका छन्।
विद्यालय, विश्वविद्यालयका नियमित शैक्षिक सत्र अनलाइन माध्यमबाट अगाडि बढेका छन्। सैद्धान्तिक विषयका कक्षा मात्र नभई प्रयोगात्मक विषय पनि अनलाइनका माध्यमबाट नियमित भइरहेका छन्। पछिल्ला समय विभिन्न विषयको अध्ययनका लागि हुने प्रवेश परीक्षाको तयारी कक्षा पनि अनलाइनबाटै हुने गरेको छ।
“कोभिडको दोस्रो लहरसम्म आइपुग्दा विद्यार्थी तथा शिक्षकमा अनलाइन कक्षामा पढ्ने/पढाउने बानीको राम्रो विकास भइसकेको छ,” इन्जिनीयरिड्ढो प्रवेश परीक्षाको तयारी कक्षा सञ्चालन गरिरहेको संस्था क्ल्याम्पहुक एकेडेमीका संस्थापक विक्की छन्त्याल भन्छन्, “अब सबै विद्यार्थीको पहुँचमा इन्टरनेट र प्रविधिको विस्तारमा जोड दिनुपर्छ।”
क्ल्याम्पहुक एकेडेमीले पनि अनलाइनबाटै इन्जिनीयरिड्ढो प्रवेश परीक्षाको तयारी कक्षा सञ्चालन गर्दै आएको छ। पछिल्लो एक वर्ष विद्यार्थी तथा शिक्षकमा देखिएको प्रविधिमैत्री व्यवहार एवं सोच तथा अनलाइन अध्ययनबाट अध्ययन/अध्यापन गर्दा आएको नतीजाले उनी झन् उत्साहित छन्।
घटेको शुल्कबाट प्रविधि किन्न सहज
अनलाइन कक्षाले आम नागरिकको सोच मात्र बदलेको छैन, यसबाट समय र पैसाको पनि बचत भएको छ। कतिपय विद्यालय, विश्वविद्यालय तथा इन्स्टिच्युटले शुल्क पनि घटाएका छन्। शैक्षिक संस्थाले घटाएका शुल्कबाट विद्यार्थीले प्रविधि किन्न सकेका छन्।
क्ल्याम्पहुक एकेडेमीले पनि अनलाइन कक्षा सञ्चालन गरेपछि इन्जिनीयरिड्ढो प्रवेश परीक्षा तयारी कक्षाको शुल्क घटाएको छ। न्यून शुल्कमैं विद्यार्थीले तयारी कक्षा लिन सकेका छन्। “तयारी कक्षा सञ्चालन गर्ने संस्थाले आठ–दश वर्षअघिदेखि नै इन्जिनीयरिड्ढो ‘इन्ट्रान्स क्लास’को शुल्क बीस हजारमाथि लिंदै आएको थिएँ,” क्ल्याम्पहुक एकेडेमीका सञ्चालक छन्त्याल भन्छन्, “अनलाइनमार्फत छ हजारमैं गुणस्तरीय तयारी कक्षा सञ्चालन गर्न सकेका छौं।”
भौतिकरूपमा कक्षा सञ्चालन गर्दा संस्थाको घरभाडा, कक्षा कोठा व्यवस्थापन खर्च तथा ठूलो सङ्ख्यामा कर्मचारीको सङ्ख्या आवश्यक पर्ने र अनलाइन कक्षा सञ्चालन गर्दा ती खर्चको कटौती हुँदा न्यूनतम शुल्कमा कक्षा सञ्चालन गर्न सफल भएको उनको जिकिर छ।
क्ल्याम्पहुकको समूह नै इन्जिनीयरिङ पृष्ठभूमिको भएकाले अनलाइन कक्षा मात्र नभएर क्ल्याम्पहुकमा प्रविधिको उच्चतम प्रयोग गरेर धेरै विशेषता राखिएको कम्प्युटर इन्जिनीयर तथा अर्का संस्थापक विप्लव गौतम बताउँछन्। “क्ल्याम्पहुकले इन्जिनीयरिङ अध्ययन संस्थानकै संरचनाका रूपमा नमूना साप्ताहिक परीक्षा पनि सञ्चालन गरिरहेको छ,” उनले भने।
क्ल्याम्पहुकले विद्यार्थीलाई प्रश्नबारे प्रत्यक्ष अन्तत्र्रिmया गर्न सहज होस् भनेर ‘डिस्कर्ड प्ल्याटफर्म’मार्फत २४ घण्टा प्रश्न सोध्न मिल्ने व्यवस्था पनि गरेको छ। इन्टरनेटमा समस्या आएको वा अन्य प्राविधिक समस्याले कक्षाका केही अंश वा पूरै कक्षा छुट्न सक्ने हुँदा त्यस्तो परिस्थितिलाई ख्याल गरेर रेकर्ड गर्ने र पछि विद्यार्थीले फेरि हेर्न सक्ने व्यवस्था मिलाइएको छ।
