झझरा गाउँमा वृद्धको हत्या

प्रस, सिम्रौनगढ, ५ असार/
सीमावर्ती भारतको जितना थाना क्षेत्रको झझरा गाउँमा शुक्रवार राति एकजना वृद्धको हत्या भएको छ। स्थानीय ६२ वर्षीय शिवलाल महतोको धारिलो हतियार प्रहारबाट हत्या गरिएको प्रहरीले जनाएको छ।

सुतिरहेको बखतमा घरमा उनको हत्या भएको हो। स्थानीय प्रहरीका राहुल कुमारले शव शल्यपरीक्षणको लागि मोतीहारी पठाइएको बताए। हत्याको आशङ्कामा एकजना युवकलाई पक्राउ गरिएको उनले जानकारी दिएका छन्। हत्या सम्बन्धमा प्रहरीले छानबीन गरिरहेको सिकरहनाका डिएसपी शिवेन्द्रकुमार अनुभवीले बताए।