एम्बुलेन्स चालकलाई पिपिई किट

प्रस, वीरगंज, ५ असार/
सानो पाइलाले मलङ्गवाका एम्बुलेन्स चालकलाई व्यक्तिगत सुरक्षा सामग्री (पिपिई किट) वितरण गरेको छ।
एचएलई नेपालसँगको सहकार्यमा सानोपाइलाले मलङ्गवाबाट सञ्चालित ४० वटा एम्बुलेन्सका चालकलाई पिपिई किट वितरण गरेको हो।

कोरोना सङ्क्रमणकालमा उच्च जोखिममा काम गरिरहेका चालकहरूको सुरक्षालाई ध्यानमा राखी पिपिई सेट वितरण गरिएको सानो पाइलाले जनाएको छ। यसैगरी, सर्लाहीका ८ वटा स्वास्थ्य चौकीमा पनि पिपिई सेट वितरण गरिएको सानो पाइलाले जनाएको छ।