प्रस, सिम्रौनगढ, २९ जेठ/
बाराको सिम्रौनगढ–७ स्थित सिम्रौनगढ नगर अस्पताललाई शनिवार स्वास्थ्य सामग्री हस्तान्तरण गरिएको छ। नेपाली काङ्ग्रेस बारा जिल्ला सङ्गठन प्रमुख शम्भुबहादुर बुढाथोकीले सिम्रौनगढ नगर अस्पताललाई स्वास्थ्य सामग्री हस्तान्तरण गरेका हुन्। स्वास्थ्य सामग्रीमा अक्सिजन कन्सेन्ट्रेटर, सेनिटाइजर, मास्क, थर्मलगनलगायत रहेको स्वास्थ्य संयोजक राजेन्द्र प्रसादले बताए।
सिम्रौनगढ नगरकमिटी सभापति नागेन्द्रप्रसाद साह कानूको अध्यक्षतामा सम्पन्न हस्तान्तरण कार्यक्रममा सिम्रौनगढ नगरप्रमुख एव नेपाली काङ्ग्रेस बारा क्षेत्र नं १ का सभापति विजयशङ्कर यादव, जिल्ला कोषाध्यक्ष चन्द्रशेखर यादव, महासमिति सदस्य रामनरेशकान्त कुशवाहा, पदमबहादुर भण्डारी, रामकृष्ण नेपाललगायत स्थानीय भद्रभलादमीको सहभागिता थियो।
