प्रस, धनुषा, २८ जेठ/
मुखियापट्टि मुसहरनिया–६ लक्ष्मीपुरमा पाँचजना बालिकाको पोखरीमा डुबेर मृत्यु भएको जिल्ला प्रहरी कार्यालय, धनुषाले जनाएको छ।
शुक्रवार दिउँसो १२ः०० बजेको समयमा घरनजीकैको पोखरीमा नुहाउन गएका बालिकाहरूको पानीमा डुबेर मृत्यु भएको प्रहरीले जनाएको छ।
स्थानीयवासी पल्टु यादवकी १२ वर्षीया छोरी लक्ष्मीनिया, जोगिन्द्र भगतकी १० वर्षीया छोरी चन्द्रकुमारी, राजगिर पुर्वेकी १३ वर्षीया छोरी मञ्जु, जगरनाथ ठाकुरकी १२ वर्षीया छोरी चाँदनी र उतिम साह तेलीकी १२ वर्षीया छोरी ललिताको डुबेर मृत्यु भएको प्रहरीले जनाएको छ।
