प्रस, वीरगंज, १९ जेठ/
देशभक्त, राजभक्त समूह पर्साले बुधवार पूर्वराजा स्व वीरेन्द्रवीर विक्रम शाह परिवारको निधनप्रति शोक व्यक्त गरेको छ।
बुधवार वीरगंजस्थित महावीर मन्दिरअगाडि श्रद्धाञ्जलिसभा आयोजित गरी स्व राजा शाहलगायत राजपरिवारका सदस्यहरूको निधनप्रति शोक व्यक्त गरिएको थियो।
संस्थाका अध्यक्ष दीपेन्द्र रौनियारको अध्यक्षतामा भएको कार्यक्रममा केन्द्रीय उपाध्यक्ष राजकिशोर चौबे, सुशील अग्रवाल, वसन्त गुप्ता, रूपेश सर्राफ, पप्पु पटेललगायतले पूर्वराजा स्व वीरेन्द्रसहित उनका परिवारको निधनमा शोक व्यक्त गर्दै श्रद्धाञ्जलि अर्पण गरेका थिए। पूर्वराजा स्व वीरेन्द्रको २० वर्ष अगाडि आजै वंशनाश हुनेगरी हत्या भएको थियो। नारायणहिटी राजदरबारमा भएको सो हत्याकाण्डको रहस्य अहिलेसम्म खुलेको छैन।
