प्रस, वीरगंज, ९ जेठ/
बहुदरमाई नगरपालिका–२ पिपरा गाउँको पूर्वपट्टि तिलावे खोलामा एकजना युवकको शव भेटिएको छ।
वीरगंज महानगर–२४ बहुअरी निवासी ३० वर्षीय रामप्रताप पटेलको शव भेटिएको इलाका प्रहरी कार्यालय, पोखरियाले जनाएको छ। प्रहरीका अनुसार मृतकले हिजो साँझ ६ बजेसम्म पत्नीसँग कुरा गरेको र राति घर नआएको बुझिन आएको छ। नदीको छेउमा जीउमा कपडा नभएको अवस्थामा शव भेटिएपछि उनको हत्या भएको हुन सक्ने प्रहरीले अनुमान गरेको छ। प्रहरी नायब निरीक्ष्Fक ओमप्रकाश खनालका अनुसार शवको प्रकृति हेर्दा हत्या भएको देखिन्छ तर शल्यपरीक्षण रिपोर्ट आएपछि आधिकारिक जानकारी गराइने बताए। मृतक पटेल इलेक्ट्रिसियन थिए र पिपरामा उनको दिदीको घर रहेको जानकारी प्राप्त भएको छ।
