प्रस, वीरगंज, २१ वैशाख/
हेटौडाबाट सिम्रौनगढतर्फ आउँदै गरेको सिमेन्ट बोकेको ट्रकमा आगलागी भएको छ।
ना.४ ख. ९५९८ नम्बरको ट्रकमा आगलागी हुँदा ४ सय २० बोरा सिमेन्ट जलेर नष्ट भएको छ। बारा, कोल्हवी नगरपालिका–४ स्थित तामागढी कोल्हवी सडकखण्डमा मङ्गलवार बिहान आगलागी भएको जिल्ला प्रहरी कार्यालय, बाराले जनाएको छ। ट्रकको पछाडिको पाङ्ग्रा पड्किएर आगलागी भएको जिल्ला प्रहरी कार्यालय बाराका प्रवक्ता प्रहरी नायब उपरीक्षक गौतम मिश्रले जानकारी दिए।
ट्रकमा लागेको आगो इलाका प्रहरी कार्यालय निजगढ, अस्थायी प्रहरी पोस्ट झुरझुर र दुईवटा वारुणयन्त्रले नियन्त्रणमा लिएको थियो।
