प्रस, वीरगंज, ११ वैशाख/
वीरगंज महानगरपालिकामा शनिवार तीन स्थानमा भएको रक्तदान कार्यक्रममा ९८ जनाले रक्तदान गरेका रक्तसञ्चार केन्द्र वीरगंजकी मोबाइल इन्चार्ज डिल्लीमाया घिमिरले बताइन्। 
घण्टाघरमा स्वतन्त्र समाज नेपालले वीरगंज महानगरपालिकाको सहयोगमा आयोजना गरेको खुला रक्तदान कार्यक्रममा ६१ जनाले रक्तदान गरेका केन्द्रका प्राविधिक प्रमुख सौरभराज पाण्डेयले बताए। कार्यक्रममा मञ्जीत वर्णवाल, मञ्जु वर्णवाल, सन्दीप साह, विजय श्रेष्ठ, धीरज अधिकारीलगायतले रक्तदान गरेका प्राविधिक प्रमुख पाण्डेयले बताए।
यसैगरी, वार्षिकोत्सवमा लिङ्करोड घण्टाघरमा वीरगंज बचत तथा ऋण सहकारी संस्था (बिस्को)ले आयोजना गरेको रक्तदान कार्यक्रममा दीपकराज कुँवर, दिपेश कार्की, सोनु साह, गीता पौडेल, इन्दिरा रिजाल, अशोक पौडेललगायत २२ जनाले रक्तदान गरेको रक्तसञ्चार केन्द्र वीरगंजका प्रमुख उदयराज शर्माले बताए।
यसैगरी, वीरगंज महानगर–२४ बहुअरीमा सोशल क्लबले आयोजना गरेको रक्तदान कार्यक्रममा अनिल ठाकुर, रितेश पासवान, अमित पटेल, प्रदीप यादवलगायत १५ जनाले रक्तदान गरेका रक्तसञ्चार केन्द्र वीरगंजका प्राविधिक जीतेन्द्र कुशवाहाले बताए।
