प्रस, वीरगंज, ९ वैशाख/
क्षेत्रीय शहरी विकास परियोजना अन्तर्गत वीरगंज–१४ पिपरास्थित नृसिंह माविको भवन निर्माण भएर बिहीवार उद्घाटन भएको छ।
नगरप्रमुख विजयकुमार सरावगीले नवनिर्मित भवनको उद्घाटन गरेका थिए। उनले विद्यालय भवनको निर्माणबाट मात्र शैक्षिक विकास नहुने भन्दै शिक्षाको गुणस्तर बढाउनेतर्फ शिक्षकहरूलाई सुझाव दिए।
परियोजना अन्तर्गत सहायक बाइपास सडक निर्माण गर्दा नृसिंह माविको पुरानो भवन सो सडकखण्डमा परेको थियो। विद्यालय स्थानान्तरण गरी नयाँ भवन ६ करोड रुपैयाँको लागतमा निर्माण गरिएको हो। विद्यालय भवनमा सानो–ठूलो गरी ३३ वटा कोठा रहेको प्रअ विनोद मेहताले बताए। विद्यालय व्यवस्थापन समितिका अध्यक्ष्F रामबाबू कुर्मीको अध्यक्षतामा भएको उद्घाटन समारोहमा उपप्रमुख शान्ति कार्की, स्वास्थ्य तथा सामाजिक महाशाखा प्रमुख अरुण महतो, विद्यालय व्यवस्थापन समितिका पूर्वअध्यक्ष रामनारायण कुर्मीलगायतको सहभागिता थियो।
