प्रस, वीरगंज, ४ वैशाख/
वीरगंज महानगरपालिका–१ छपकैया र वडा नं १० रानीघाटमा शनिवार आयोजित रक्तदान कार्यक्रममा ६ जना महिलासहित १२५ जनाले रक्तदान गरेको रक्तसञ्चार केन्द्र वीरगंजका प्राविधिक प्रमुख सौरभराज पाण्डेले बताए।
वीरगंज महानगरपालिका–१ छपकैयामा चित्रगुप्त सेवा समिति छपकैयाले आयोजना गरेको रक्तदान कार्यक्रममा ५५ जनाले रक्तदान गरेको रक्तसञ्चार केन्द्र वीरगंजकी मोबाइल इन्चार्ज डिल्लीमाया घिमिरेले बताइन्। समितिका अध्यक्ष प्रभुनारायणलाल दासको अध्यक्षतामा भएको रक्तदान कार्यक्रमको उद्घाटन प्रमुख अतिथि प्रदेशसभा सदस्य ओमप्रकाश शर्माले गरेका थिए। कार्यक्रममा चित्रगुप्त समिति वीरगंजका अध्यक्ष महेश दासलगायतको सहभागिता थियो। कार्यक्रममा राजेश कर्ण, भेचु दास, आलोक श्रीवास्तव, वीरेन्द्र यादव, जीतेन्द्र कर्ण, दीपेश पासवान, गणेश दास, सुनील सर्राफलगायतले रक्तदान गरेको मोबाइल इन्चार्ज घिमिरेले बताइन्। 
यसैगरी वीरगंज महानगरपालिका–१० रानीघाटमा आयोजित रक्तदान कार्यक्रममा ६ जना महिलासहित ७० जनाले रक्तदान गरेको रक्तसञ्चार केन्द्र वीरगंजका प्राविधिक प्रमुख पाण्डेयले बताए। रक्तदान कार्यक्रममा अर्चना बाराही, रजनी गुरुङ, आशा गुप्ता, आशा श्रीवास्तव, सुमनकुमारी श्रीवास्तव, सन्दीपा श्रेष्ठ, शर्मिला सिंह राजपूत, सतीश सिंह राजपूत, राजकुमार चौधरी, अजय श्रेष्ठ, ऋतुराज महतो, पुष्परञ्जन गुप्ता, अजय रौनियारलगायतले रक्तदान गरेका थिए।
