प्रस, बारा, ३१ चैत/
जीतपुरसिमरा उपमहानगरपालिकामा आयोजित जीतपुरसिमरा गोल्डकपको ११औं संस्करण मङ्गलवारदेखि शुरू भएको छ। गत वर्ष कोरोना महामारीले प्रतियोगिता हुन नसकेकोले यस वर्ष चैत ३१ गतेदेखि दिवारात्रि जीतपुरसिमरा गोल्डकप प्रतियोगिता शुरू भएको हो। आज भएको उद्घाटन खेलमा आयोजक नवजनजागृति युवा क्लब सिमराले वाग्मती गाउँपालिकालाई हराउँदै विजयी भएको छ। सिमरा रङ्गशालामा सम्पन्न प्रतियोगितामा वाग्मती गाउँपालिकालाई ४–२ गोलअन्तरले पराजित गर्दै आयोजक क्लब विजयी भएको हो। आजको खेलमा आयोजक क्लबका डोल्ना थापा ‘म्यान अफ दी म्याच’ घोषित भए। 
गोल्डकपमा मोफसलका ७, ‘ए’ डिभिजनका ४ र १ विदेशी गरी १२ वटा टीमको सहभागिता रहेको आयोजक क्लबले जनाएको छ। प्रतियोगिताको विजेताले ७ लाख, उपविजेताले ३ लाख ५० हजारको नगद पुरस्कार प्राप्त गर्नेछ।
