प्रस, वीरगंज, २९ चैत/
नेपाल पत्रकार महासङ्घको निर्वाचनमा मधेसी सचिवमा निर्वाचित दीपेन्द्र चौहानलगायतलाई आज रेडियो वीरगंज र टिभी वीरगंजले सम्मान गरेको छ।
कार्यक्रममा रेडियो वीरगंज तथा टिभी वीरगंजका कार्यकारी अध्यक्ष ध्रुव साह र रेडियो प्रसारण सङ्घका पूर्वमहासचिव एवं नारायणी एफएमका कार्यकारी अध्यक्ष्F गोविन्द देवकोटाले फूल, माला, अबिर, गम्छा ओढाएर सम्मान गरेका थिए।
सो अवसरमा महासङ्घको एशोसिएट सदस्यमा निर्वाचित सन्तोष मिश्र, पर्साबाट प्रदेश परिषद् सदस्यमा निर्वाचित रामनारायण कुर्मी, कृष्णकुमार खनाल र पर्सा शाखाको सदस्यमा निर्वाचित नरेश सर्राफ, अमित अग्रवाल र अजय चौरसियालाई पनि सम्मान गरिएको थियो। 
सो अवसरमा मधेसी सचिवमा निर्वाचित चौहानले श्रमजीवी पत्रकारहरूको हकहितको लागि प्रतिबद्ध भएर लाग्ने बताए। उनले निर्वाचनमा जेजस्तो परिणाम आए पनि पेशागत हकअधिकारको लागि आफूले एकबद्ध भएर श्रमजीवी पत्रकारको हकमा खडा हुने बताए।
अध्यक्ष्F साहको अध्यक्षतामा भएको कार्यक्रममा पत्रकार रितेश त्रिपाठी, अनिल तिवारी, बृजलाल पासवानलगायतले मन्तव्य व्यक्त गरेका थिए।
कार्यक्रममा आरके पटेलले स्वागत र नीरज पिठाकोठे मगरले स्वागत गरेका थिए।
