प्रस, बारा, २१ चैत/
सिद्धेश्वर मावि, कलैयाको खेल मैदानमा शनिवारदेखि ‘मेयर गोल्ड कप’ फूटबल प्रतियोगिता शुरू भएको छ।
कलैया उपमहानगरपालिकाको आर्थिक सहयोगमा कलैया फूटबल क्लबले आयोजना गरेको उक्त प्रतियोगिताको उद्घाटन कलैया उपमहानगरपालिकाका प्रमुख राजेशराय यादवले गरेका हुन्। उद्घाटन कार्यक्रम आयोजक क्लबका अध्यक्ष कुलदिप ठाकुरको अध्यक्षतामा भएको थियो।
जनकपुर स्पोटर््स क्लब जनकपुर र सशस्त्र प्रहरी बल एपिएफ महोत्तरीबीच भएको उद्घाटन खेलमा एपिएफले जितेको हो। निर्धारित समयसम्म दुवै तर्फबाट गोल नभएपछि खेल टाइ– ब्रेकरमा पुगेको थियो। जनकपुर स्पोटर््समाथि २–४ गोलले एपिएफ महोत्तरी विजयी भएको हो।
खेलको म्यान अफ द म्याच सशस्त्र प्रहरी बल महोत्तरीका जर्सी नं.१ का मोहन खड्का घोषित भए। आइतवार ज्वाला दल गण ब्रह्मपुरी र कलैया फूटबल क्लबबीच खेल हुने आयोजक क्लबले जनाएको छ।
