प्रस, पचगाँवा, २१ चैत/
पटेर्वा सुगौली गाउँपालिका–४ पर्सा पटेर्वामा प्रथम नकआउट गोल्डकप फूटबल प्रतियोगिता शुरू भएको छ। न्यु पञ्चम युवा क्लब, पटेर्र्वाको आयोजनामा शुरू भएको खेलको उद्घाटन नेपाली काङ्ग्रेसका युवा नेता चन्द्रकिशोरप्रसाद चौधरीले गरेका थिए।
सो अवसरमा गाउँपालिका उपाध्यक्ष ममता महतो, नेकाका अगुवा भगवती चौधरी, बालेश्वर दहैत, नरेश महतो, हृदयनारायण चौधरी, हरि यादवको सहभागिता थियो। विभिन्न १२ वटा टीमले प्रतिस्पर्धा गरेको उद्घाटन खेल फोर स्टार क्लब रङ्गपुर र समता समाज युवा क्लब निचुटाबीच भएको थियो।
सो खेलमा फोर स्टार क्लब रङ्गपुरले १ को विरुद्ध ३ गोल गरेर समता समाज युवा क्लब निचुटालाई पराजित गरेको हो।
फाइनल खेलमा प्रथम हुनेलाई रु ४० हजार नगद र कप प्रदान गरिने छ। त्यसैगरी दोस्रो हुने टीमलाई दोस्रो पुरस्कार– कप र २० हजार नगद प्रदान गरिने आयोजक संस्थाको अध्यक्ष राजु यादवले जानकारी गराएका छन्।
