प्रस, वीरगंज, ७ चैत/
बारा र पर्साको दुई स्थानमा शनिवार सम्पन्न रक्तदान कार्यक्रममा दुईजना महिलासहित ६० जनाले रक्तदान गरेका छन्।
पर्सा, सखुवापरसौनी गाउँपालिका– ४ देउरवानामा नेपाल रेडक्रस सोसाइटी महुवन उपशाखाले आयोजना गरेको रक्तदान कार्यक्रममा कामेश्वर दहित, कुरान अन्सारी, अब्बास अन्सारी, मुर्तुजा अन्सारी, श्याम साहलगायत दुईजना महिलासहित २३ जनाले रक्तदान गरेको रक्तसञ्चार केन्द्र वीरगंजका प्राविधिक प्रमुख सौरभराज पाण्डेले बताए। रेडक्रस उपशाखा महुवनका सभापति जदुप्रसाद साहको अध्यक्षतामा रक्तदान भएको थियो। 
यसैगरी बाराको परसौनी गाउँपालिका–७ बन्जरियामा भएको रक्तदान कार्यक्रममा एकजना महिलासहित ३७ जनाले रक्तदान गरेको रक्तसञ्चार केन्द्र वीरगंजका प्राविधिक धीरेन्द्र झाले बताए।
गापा प्रमुख भोलाप्रसाद गुप्ताको प्रमुख आतिथ्य तथा वडाध्यक्ष राममणि गुप्ताको अध्यक्षतामा भएको रक्तदान कार्यक्रममा रूखसार नेसा, अजिम मियाँ, धीरेन्द्र पटेल, आजम मन्सुर, राजेश गुप्तालगायतले रक्तदान गरेको प्राविधिक झाले बताए।
