प्रस, रौतहट,१७ फागुन/
पूर्वमन्त्री योगेश भट्टराई चढेको गाडीको ठक्करबाट रौतहटमा साइकल यात्री घाइते भएका छन्। भट्टराई चढेको ज.१ झ ४२७ नम्बरको गाडीले रौतहटको चन्द्र निगाहापुरमा ठक्कर दिँदा ५५ वर्षीय इनद्रपसाद घिमिरे घाइते भएका हुन्। प्रचण्ड–माधव समूहका नेता भट्टराई जनकपुरमा आइतवार आयोजित प्रेस संगठनको कार्यक्रममा सहभागी भई साँझ सवा ७ बजे हेटौडा तर्फ फर्कने क्रममा सो दुर्घटना भएको थियो।
घाइते घिमिरेलाई उपचारका लागि काठमाडौं पठाइएको रौतहटका प्रहरी उपरीक्षक (एसपी) सिद्धिबिक्रम शाहले जानकारी दिए। नेता भट्टराईले नै स्वयम् घाइतेको उपचारमा चाँसो देखाउँदै काठमाडौं उपचारको लागि पठाएका हुन्। ठक्कर दिने गाडीलाई प्रहरी नियन्त्रणमा लिएको छ।
