प्रस, ठोरी, १२ फागुन/
ठोरी गाउँँपालिकामा गएराति चितुवाको आक्रमणमा परी एकजना वृद्ध गम्भीर घाइते भएका छन्। वडा नं. ५ का ६५ वर्षीय कुलबहादुर खत्रीलाई गएराति ८ः३० बजे घरमैं पसेर घाइते बनाएको थियो।
घरभित्र बसिरहेको खत्रीलाई चितुवाले आक्रमण गरी मुख, हात, नाकमा आक्रमण गर्दा चौबीसवटा टाँका लगाउनुपरेको उनका भतिजा रन्जित कार्कीले बताए।
घाइतेको सुवर्णपुरस्थित क्लिनिकमा उपचार भइरहेको प्रहरी चौकी सुवर्णपुरका प्रहरी सहायक इन्द्रदेव चौधरीले जानकारी दिए।
सुनाखरी उपभोक्ता समितिका अध्यक्ष देवीप्रसाद दाहाल र सचिव जीवन श्रेष्ठले घाइते खत्रीको उपचारमा रु ५ हजार सहयोग गरेका छन्।
