प्रस, वीरगंज, ८ फगुन/
कन्टेनरको ठक्करबाट रामगढवा गाउँनजीकै शनिवार दिउँसो ५ बजे ५० वर्षीय पुरुषको घटनास्थलमैं मृत्यु भएको वडा प्रहरी कार्यालय श्रीपुरले जनाएको छ।
मृत्यु हुनेमा सखुवाप्रसौनी गाउँपालिका अन्तर्गत श्रीपुर पंचगावाँ निवासी छठु साह रहेको प्रहरीले जनाएको छ। वीरगंजबाट ड्राइपोर्टतर्फ जाँदै गरेको ना.५३प ८७६२ नम्बरको मोटरसाइकलमा सवार साहलाई विपरीत दिशाबाट आउँदै गरेको ना.४ख १८३९ नम्बरको कन्टेनरले ठक्कर दिंदा उनको घटनास्थलमैं मृत्यु भएको थियो।
ठक्कर दिने कन्टेनर प्रहरी नियन्त्रणमा छ भने चालक फरार रहेको प्रहरीले जनाएको छ।
तीव्र गतिमा रहेको मोटरसाइकल तथा सडकमा सवारीचाप रहेकोले दुर्घटना भएको प्रहरीले जनाएको छ।
