प्रस, वीरगंज, ५ फागुन/
वीरगंज–२ छपकैयास्थित दुर्गा हलनजीकै एक कबाडी गोदाममा आगलागी भएको छ।
बुधवार साँझ सवा ६ बजेको समयमा अचानक आगलागी भएकोमा साँझ ७ बजेसम्म आगलागी नियन्त्रणमा नआएको पर्सा प्रहरीले जनाएको छ।
वडा प्रहरी कार्यालय बिर्ताका प्रहरी निरीक्षक राजेशराज पुरीका अनुसार आगलागीको कारण नखुलेको र आगलागी नियन्त्रणमा लिने प्रयास भइरहेको छ। उनले लालबाबू भन्ने व्यक्तिको गोदाम रहेको र गोदामभित्र प्लास्टिकका स्क्रेप, फलामजन्य स्क्रेप रहेकोमा आगलागीबाट क्षति भएको बताए।
वीरगंज महानगरका दुईवटा वारुणयन्त्र तथा नेपाल प्रहरी, सशस्त्र प्रहरी, नेपाली सेनाको सहयोगमा आगलागी नियन्त्रणमा लिने प्रयास भइरहेको उनले बताए।
