प्रस, वीरगंज, १ फागुन/
वीरगंज महानगरपालिका–३ वडा कार्यालयले जग्गा हस्तान्तरण तथा सम्मान कार्यक्रम गरेको छ।
सो वडामा रहेको कब्रिस्तानमा जान बाटोको लागि वीरगंज महानगरपालिकाले खरीद गरेको जग्गा हस्तान्तरण गरिनुका साथै वडामा रहेका विभिन्न विधाका व्यत्तित्वहरूलाई सम्मानित गरिएको थियो। नगरप्रमुख विजयकुमार सरावगीले कब्रिस्तानमा जान बाटोको लागि महानगरपालिकाले खरीद गरेको जग्गा वडाध्यक्ष बैजु स्वर्णकारलाई हस्तान्तरण गरेका थिए। यसैगरी, कार्यक्रममा पत्रकारहरू शत्रुघ्न नेपाल, महेश दास र आबिद हुसैन, डा श्यामसुन्दरलाल दास, डा मनोज गुप्ता, डा एम इजहार, डा रेयाजुल हक, डा राजा हुसैन मन्सुरी, डा कमरुल होदा मन्सुरी, डा जमिल अख्तर, डा जिन्नत नेसा, प्रमोद सोनारलगायतलाई सम्मानित गरिएको थियो। कोरोना सङ्क्रण र लकडाउनको बेलामा वडामा सक्रिय भूमिका निर्वाह गर्ने र आर्थिक सहयोग गर्नेहरूलाई पनि सम्मानित गरिएको थियो।
वडाध्यक्ष स्वर्णकारको अध्यक्ष्Fतामा भएको कार्यक्रममा जसपाका केन्द्रीय सदस्य राजेशमान सिंह, रम्भा मिश्र, प्रेमबाबू पटेल, वडाध्यक्ष जगतसाह कानु, पूर्ववडाध्यक्ष अनवर हुसैनलगायतले मन्तव्य व्यक्त गरेका थिए। कार्यक्रममा सङ्गीता दासले स्वागत र सहजीकरण आबिद अन्सारीले गरेका थिए।
