प्रस, सप्तरी, ४ माघ/
रोकिएको ट्याक्टरमा टाटासुमो ठोक्किंदा एकजनाको मृत्यु भएको छ भने दुईजना गम्भीर घाइते भएका छन्।
आइतवार बिहान पूर्व–पश्चिम राजमार्ग अन्तर्गत सप्तरीको खडक नगरपालिका खण्डमा रोकिएको स.१त २५१२ नम्बरको ट्याक्टरमा पूर्वतर्फ जाँदै गरेको मे.१ज २४५२ नम्बरको सुमो ठोक्किंदा दुर्घटना भएको जिल्ला प्रहरी कार्यालय, सप्तरीले जनाएको छ।
दुर्घटनामा सुमोमा सवार झापाको शिवसतासी नगरपालिका–११ डुरामनी बस्ने २५ वर्षीय रमेश लिम्बुको मृत्यु भएको छ।
उनको गजेन्द्रनारायण सिंह अस्पतालमा उपचारको क्रममा मृत्यु भएको प्रहरीले जनाएको छ।
दुर्घटनामा गम्भीर घाइते भएका सुमोचालक पाँचथर जिल्ला फिदिम नगरपालिका–३ बस्ने ३४ वर्षीय टेकबहादुर दर्जी र झापा जिल्ला गौरादह नगरपालिका–४ निवासी ३६ वर्षीय जीतबहादुर श्रेष्ठको स्थानीय गजेन्द्रनारायण सिंह अस्पतालमा उपचार भइरहेको प्रहरी नायब उपरीक्षक भुवनेश्वर साहले जानकारी दिए। प्रहरीका अनुसार बाक्लो हुस्सु र तीव्र गतिका कारण दुर्घटना भएको बताइन्छ।
