प्रस, वीरगंज, ३ माघ/
वीरगंज महानगरपालिकाका तीन स्थानमा शनिवार सम्पन्न रक्तदान कार्यक्रममा १४ जना महिलासहित २७२ जनाले रक्तदान गरेको रक्तसञ्चार केन्द्र वीरगंजका प्राविधिक प्रमुख सौरभराज पाण्डेयले बताए।
सशस्त्र प्रहरी १३ नं गण हेडक्वाटरले वीरगंज चिनी कारखानामा आयोजना गरेको रक्तदान कार्यक्रममा पाँचजना महिलासहित १५५ जनाले रक्तदान गरेको केन्द्रका प्राविधिक धीरेन्द्र झाले बताए। कार्यक्रममा निशा लामा, सुजिता श्रेष्ठ, गुलशन आरा हवारी, अनिल साह, मोहन कुम्हाल, शम्भु बैठा, सन्नी थापा, राहुल तिवारी, कर्णबहादुर थापा, राजकुमार यादव, श्री चौधरी, भीमनिधि छतकुली, प्रमोद अधिकारीलगायतले रक्तदान गरेका थिए।
यसैगरी, घण्टाघरमा वर्णवाल युवक सङ्घले आयोजना गरेको रक्तदान कार्यक्रममा पाँचजना महिलासहित ६२ जनाले रक्तदान गरेको केन्द्रका प्राविधिक प्रमुख पाण्डेयले बताए। कार्यक्रममा अनीता ठाकुर, नेहा वर्णवाल, रामप्रवेश यादव, मणिभूषण मिश्र, युवराज वर्णवाल, वंशल कर्ण, सन्दीप विक, ओमप्रकाश राउतलगायतले रक्तदान गरेका थिए।
यसैगरी, निखिल ज्वेलर्सले माईस्थान पार्कमा आयोजना गरेको रक्तदान कार्यक्रममा चारजना महिलासहित ५५ जनाले रक्तदान गरेको केन्द्रका प्राविधिक प्रमुख पाण्डेयले बताए। कार्यक्रममा आरके सर्राफ, बिट्टु सर्राफ, पृथ्वी यादव, रीजा खड्गी, तबसुन अन्सारी, शिखा थारू, सीता थारूलगायतले रक्तदान गरेका थिए।
