प्रस, वीरगंज, ३ पुस/
चोरीको टाटासुमो जिल्ला प्रहरी कार्यालय, बाराले बरामद गरेको छ। सूचनाको आधारमा शुक्रवार बिहान ५ बजे कलैया उपमहानगर–५ बरेवाको सडकबाट बा.२च ८२७५ नं.को टाटासुमो बरामद भएको र चेकजाँचको क्रममा सो गाडी चोरीको भएको पत्ता लागेको जिल्ला प्रहरी कार्यालय, बाराका प्रवक्ता गौतम मिश्रले बताए।
नेपाली नम्बरको सो गाडीभित्रबाट भारतीय बिआर३पी ०३२१ नं.को ब्लुबूक फेला परेको र सो ब्लुबूकमा उल्लेख भए अनुसारको इन्जिन तथा चेचिस नम्बर नेपाली नम्बरको बरामद गाडीसँग मेल खाएको प्रवक्ता मिश्रले बताए।
भारतबाट चोरी गरी नेपाल भिœयाइ नेपाली नम्बर बनाइ सञ्चालनमा ल्याएको प्रारम्भिक अनुसन्धानबाट खुलेको उनले बताए। बरामद गाडीलाई कारबाईको लागि वीरगंज भन्सार पठाइएको उनले बताए।
