प्रस, पोखरिया, २ मङ्सिर/
समाज विकास युवा क्लब पोखरिया, वनकटवाले छठ पूजाको अवसरमा मङ्गलवार खोला र वडाको सरसफाइ गरेको छ।
वनकटवास्थित नारा खोलामा गरिने छठपूजाको लागि आज सफाइ गरिएको क्लबका अध्यक्ष मन्दीपराउत कुर्मीले बताए। छठघाटसहित वडाका सडकको पनि सफाइ गरिएको उनले बताए।
सफाइ कार्यक्रममा नगरप्रमुख दीपनारायण रौनियार, उपप्रमुख सलमा खातुन, वडाध्यक्ष बङ्काराउत कुर्मी, संविधानसभा सदस्य प्रद्युम्न चौहान, नेरेसो पोखरिया उपशाखाका सभापति भगवान कुर्मी, प्रहरी उपरीक्षक लालबाबू गिरी, नरेन्द्र साहलगायतको सहभागिता थियो।
