प्रस, वीरगंज, १६ माघ/
व्यवसाय मोडल क्यानभाससम्बन्धी तालीम वीरगंज पब्लिक कलेजको तालीम हलमा बुधवार सम्पन्न भएको छ ।
कार्यक्रममा मनीष चालिसे, प्रियङ्का गिरीलगायतले हल्ट प्राइज बिपिसी अन–क्याम्पस इभेन्टका सहभागीहरूलाई प्रशिक्षण दिएका थिए ।
हल्ट प्राइज एक विश्वव्यापी प्रतियोगिता हो, जहाँ विश्वविद्यालयका विद्यार्थीहरू एकसाथ प्रतिस्पर्धा गरी समाजको ज्वलन्त समस्याहरू समाधान गर्ने, दिगो सामाजिक उद्यमहरू विकास गर्ने कार्यक्रममा जानकारी गराइएको थियो ।
तालीममा विद्यार्थीहरूलाई विश्वविद्यालयस्तरमा कसरी प्रतिस्पर्धा गर्ने, व्यावसायिक मोडललाई कसरी मजबूत बनाउने, उद्योग–व्यवसाय विकास गर्नेबारे प्रशिक्ष्Fण दिइएको थियो । कार्यक्रममा उत्कृष्ट टोलीले हल्ट इन्टरनेशनल बिजनेश स्कूल, बोस्टनमा प्रतिस्पर्धा गरी एक मिलियन डलर जित्न सक्ने जानकारी गराइएको थियो ।
