प्रस, वीरगंज, १६ माघ/
नवदीप एकेडेमीको १२औं वार्षिकोत्सवको अवसरमा विभिन्न खेलकूद कार्यक्रम आयोजना भएको छ ।
विपद् व्यवस्थापन गुल्मको मैदानमा बुधवार समापन समारोहमा मधेस प्रदेशसभा सदस्य रहबर अन्सारीले बालबालिकालाई अतिरिक्त क्रियाकलापका साथै उत्कृष्ट शिक्षा प्रदान गर्नुपर्नेमा जोड दिए । उनले शिक्ष्Fा क्षेत्रमा नवदीप एकेडेमीले योगदान दिंदै जानुपर्ने बताए ।
वार्षिकोत्सवको अवसरमा आयोजित विभिन्न खेलकूदमा सहभागी विद्यालयका पिजीदेखि कक्षा ८ सम्मका उत्कृष्ट विद्यार्थीहरूलाई सम्मानित गरिएको थियो ।
विद्यालयकी सञ्चालिका सुशीला साहको अध्यक्षतामा भएको कार्यक्रममा नगरप्रमुख राजेशमान सिंह, प्याब्सन पर्साका अध्यक्ष सरोज चौधरी, प्रभु अस्पतालकी सञ्चालिका लक्ष्मी थापालगायतको सहभागिता थियो । कार्यक्रममा स्वागत शिक्षिका रानी प्रजापति र सहजीकरण आदित्य यादव र नेहा अग्रवालले गरेका थिए ।
