प्रस, परवानीपुर, ९ माघ/
वीरगंजको नारायणी क्रिकेट मैदानमा जारी नेशनल इन्फोटेक कपमा बुधवार पनि दुई खेल सम्पन्न भए ।
पहिलो खेल आयोजक एनआई र डेसिमल कलेजबीच भएकोमा एनआईले ४९ रन अन्तरको जित निकाल्यो । पहिला ब्याटिङ गर्दै १३ ओभरमा सात विकेटको क्षतिमा एनआईले १२० रन बनाएको थियो । १२१ रनको विजयी लक्ष्य लिएर ब्याटिङ गरेको डेसिमल कलेजले १३ ओभरमा सात विकेट गुमाएर ७१ रनमा सीमित भयो । यस खेलको उत्कृष्ट खेलाडी एनआईका सलमान मन्सुरी घोषित भए ।
यसैगरी, दोस्रो खेलमा बिपिसीले बिपिसिएललाई ११३ रनको भारी अन्तरले पराजित ग¥यो । बिपिसीले पहिला ब्याटिङ गर्दै निर्धारित २० ओभरमा सात विकेटको क्षतिमा २१८ रन बनायो । जवाफी ब्याटिङ गरेको वीरगंज कलेज प्रालिले निर्धारित २० ओभरमा आठ विकेटको क्षतिमा १०५ रनमा सीमित भयो । यस खेलमा बिपिसीका यदुवंशी बैठा उत्कृष्ट घोषित भए ।
