प्रस, वीरगंज, २ असोज/
तेरापन्थ युवक परिषद्को आयोजनामा भदौ २५ देखि असोज ४ गतेसम्म ११ दिने रक्त सङ्कलन अभियान अन्तर्गत शुक्रवार अन्तिम दिन ७२ पिन्ट रगत सङ्कलन भएको छ ।
रक्तसञ्चार केन्द्र, वीरगंजका प्राविधिक मनीष साहले शुक्रवार शिवशक्ति समूह जीतपुरमा आयोजित रक्तदान कार्यक्रममा ७२ जनाले रक्तदान गरेको बताए ।
केन्द्रका प्राविधिक प्रमुख सौरभराज पाण्डेयले तेरापन्थ युवक परिषद्को ११ दिने रक्तदान अभियानबाट ६२ जना महिलासहित ११२७ जनाले रक्तदान गरेको बताए । उनले यो अभियान तेरापन्थ युवक परिषद्ले ११ दिनमा १५०० सय पिन्ट रगत सङ्कलनको लक्ष्य नजीक पुगेको र चाडपर्वको बेलामा यो अभियानले महŒवपूर्ण भूमिका खेल्ने बताए ।
चाडपर्वका बखत बडादशैं, तिहार र छठमा रक्तदान कार्यक्रम प्रभावकारी नहुने बेलामा तेरापन्थ युवक परिषद्को आयोजनामा भएको रक्तदानले निकै प्रभावकारी काम गर्ने उनले विश्वास व्यक्त गरे ।
