प्रस, निजगढ, ७ असार/
निजगढ नगरपालिका–१२ रामथलीका ३८ वर्षीय भीमलाल गोलेमाथि खुकुरी प्रहार गरेको आशङ्कामा रौतहटको गुजरामाई नगरपालिका–४ बस्ने नन्दलाल राजवंशी भनिने मन्सुर मियाँलाई रौतहट प्रहरीले पक्राउ गरी बारा प्रहरीलाई बुुझाएको छ। उनलाई बुधवार दिउँसो चन्द्रपुरबाट पक्राउ गरी इलाका प्रहरी कार्यालय, निजगढमा राखी अनुसन्धान भइरहेको इप्रका, निजगढका प्रहरी निरीक्ष्Fक सुमित कुशवाहाले जानकारी दिए।
मङ्गलवार राति घरमा सुतिरहेका गोलेमाथि खुकुरी प्रहार भएको थियो। निद्रामा रहेका उनीमाथि खुकुरी प्रहार हुँदा घाँटी, टाउको र हातमा गहिरो चोट लागेको थियो। त्यसपछि गोलेले चिच्याउँदै गुहार मागेपछि घटनामा संलग्न व्यक्ति भागेपछि गोलेको ज्यान जोगिएको घटनास्थल पुगेका सुरक्षाकर्मी र स्थानीयहरूले बताएका छन्। उनको हेटौंडास्थित चुरे हिल अस्पतालमा उपचार भइरहेको निजगढ प्रहरीले जनाएको छ।
