प्रस, वीरगंज, १० जेठ/
रिलिफ सोसाइटी अफ कमर्श, वीरगंजकोे ३३औं स्थापना दिवसको अवसरमा बिहीवार सम्मान कार्यक्रम सम्पन्न भएको छ ।
दिवसको अवसरमा खेलतर्फ अनिल रूपाखेती, सञ्चारतर्फ जगदीशप्रसाद शर्मा, चिकित्सातर्फ डा भावना झा र शिक्षण पेशातर्फ परीक्षा लामालाई सम्मानित गरिएको थियो । कार्यक्रममा प्रमुख अतिथि वीउवासङ्घका अध्यक्ष अनिल अग्रवालले सामाजिक सेवामा रिलिफ सोसाइटीको योगदानको प्रशंसा गरे ।
उनले सामाजिक सेवामा सक्रिय व्यक्तित्वहरूलाई सम्मानित गर्न पाउँदा गौरवान्वित महसूस गरेको बताए । कार्यवाहक अध्यक्ष नारायण रूँगटाको अध्यक्षतामा भएको कार्यक्रममा गणेश लाठले रिलिफका गतिविधिबारेका साथै बुद्धजयन्तीको बारेमा प्रकाश पारेका थिए ।
