प्रस, पोखरिया, २७ चैत/
धोबिनी गाउँपालिका–३ गुलरियामा गएराति आगलागी भएको छ । आगलागीबाट स्थानीय राजेन्द्र पटेल, फरिन्द्र पटेल, हनिफ मियाँ, रवीन्द्र पटेलका गरी चारवटा घर जलेर नष्ट भएको छ ।
आगलागीमा परेर गरगहना, लत्ताकपडा, फर्निचर, खाद्यान्न, साइकल, भाँडाकुँडा, नगद, चौपाया क्षति भएको बताइएको छ । गएराति १२ बजे विद्युत्को तार सर्ट भएर आगलागी भएको र स्थानीयवासी, प्रहरी, वारुणयन्त्रको सहयोगमा आगो नियन्त्रणमा आएको इलाका प्रहरी कार्यालय, पोखरियाले जनाएको छ ।
चैत २७ गते पर्साको गुलरिया गाउँमा भएको आगलागीबाट पीडित परिवारलाई नेपाल रेडक्रस सोसाइटीले राहत सामग्री वितरण गरेको छ ।
घटनास्थलमा पुगेर रेडक्रसको टोलीले त्रिपाल, कम्बल, चामल, दाल, तेललगायतका राहत सामग्री वितरण गरेको नेपाल रेडक्रस सोसाइटी मधेस प्रदेशका उपकोषाअध्यक्ष सलाउद्दीन अहमदले बताए ।
