प्रस, पचगावाँ, १४ फागुन/
जीराभवानी गाउँपालिका–१ ललितपुर टोल निवासी मुन्ना नेटुवाको घरमा आइतवार आगलागी भएको छ ।
विद्युत् सर्टसर्किट भएर आगलागी हुँदा खाद्यान्न, कपडा, गहनालगायत सामग्री जलेर नष्ट भएको प्रहरी चौकी महादेवपट्टीका प्रहरी सहायक निरीक्षक ललितकुमार साहले बताए ।
आगोलाई वीरगंज महानगरको वारुणयन्त्र, सुरक्षाकर्मी र स्थानीयवासीले निभाएका थिए । आगलागीपछि नेटुवा परिवारको बिचल्ली भएको स्थानीय अर्जुन चौधरीले बताए । मुन्ना नेटुवाको छोरीको बिहेको दिन नजीकिंदै गर्दा आगलागी भएपछि किनमेल गरेको सामानसहित करीब दुई लाखको क्षति भएको प्रहरीले जनाएको छ ।
