प्रस, वीरगंज, १० फागुन/
जिल्ला प्रहरी कार्यालय, पर्साले हतियारसहित दुईजनालाई पक्राउ गरेको छ ।
बुधवार राति १०ः३० बजे बहुदरमाई नगरपालिका–९ सडकखण्डमा सवारीसाधनहरू चेकजाँच गर्ने क्रममा ना.१२प ४९७१ नम्बरको मोटरसाइकलमा सवार कालिकामाई गाउँपालिका–५ बस्ने ४३ वर्षीय दीपेन्द्र गिरी र पोखरिया नगरपालिका–९ बस्ने ३७ वर्षीय शिवपूजन मुखियालाई हतियारसहित पक्राउ गरेको हो ।
गिरीको साथबाट एक थान नलकटुवा पेस्तोल बरामद भएको प्रहरीले जनाएको छ । दुवैजनाविरुद्ध हातहतियारसम्बन्धी कसूरमा अनुसन्धान भइरहेको जिप्रका, पर्साले जनाएको छ ।
