चितुवाको बच्चा बरामद

प्रमोद यादव, पंचगावाँ, २३ माघ/
पर्सागढी नगरपालिका–७ राष्ट्रिय वनसँग सीमा जोडिएको पशुपतिनगरमा सोमवार एउटा चितुवाको बच्चा फेला परेको छ । मुना सहनीको घरनजीकै चितुवाको बच्चा बसिरहेको बेला स्थानीयले देखेपछि प्रहरी चौकी मनवा र वन कर्मचारीलाई खबर गरेका थिए । प्रहरी र वनकर्मीले चितुवाको बच्चा समातेर सबडिभिजन वन कार्यालय, रङ्गपुरटाँडीमा बुझाएको इलाका प्रहरी कार्यालय, पटेर्वा सुगौलीले जनाएको छ ।