नरेश यादब पर्सागढी २५ पुस/
पर्सागढी नगरपालिका–५ जिङ्गनाको शिवमन्दिरको प्राङ्गणमा निश्शुल्क आँखा शिविर सम्पन्न भएको छ ।
लायन्स क्लबका संस्थापकको जन्मोत्सवको अवसरमा लायन्स क्लब गेटवेले साताव्यापी कार्यक्रम अन्तर्गत माट्रिका आई फाउन्डेशनको सहयोगमा आँखा शिविर सम्पन्न गरेको हो ।
समाजसेवी कामेश्वर पाण्डेको अध्यक्षातामा भएको कार्यक्रमको उद्घाटन लायन्स क्लब वीरगंज, गेटवेका अध्यक्ष रवीन्द्रकुमार वर्णवालले गरेका थिए ।
शिविरमा १८० जनाको आँखा चेकजाँच गर्दा ७० जनामा मोतियाबिन्दु भेटिएको नेत्र विशेषज्ञ प्रगति कर्णले बताइन् । उनीहरूको माट्रिका आई फाउन्डेशन वीरगंजमा अपरेशन गरिने उनले बताइन् ।
कार्यक्रममा प्रअ रामाआशीष यादवलगायतको सहभागिता थियो ।
