प्रस, वीरगंज, २४ पुस/
लायन्स क्लब इन्टरनेशनलका संस्थापक मेल्भिन जोन्सको १४५औं जन्म दिवसको अवसरमा साताव्यापी कार्यक्रम अन्तर्गत लायन्स क्लब अफ वीरगंज, ग्रीन क्याम्पस, विजयपथ, र ग्रीन सिटीले मङ्गलवार संयुक्तरूपमा सेस्मी इन्टरनेशनल स्कूलमा मेंहदी प्रतियोगिता सम्पन्न गरेको छ ।
प्रतियोगितामा कक्षा ७ देखि कक्षा १० मा अध्ययनरत १५ जना छात्राहरूले भाग लिएका थिए । प्रतियोगितामा कक्षा ९ मा अध्ययनरत स्वेच्छा साह प्रथम, सिर्जना साह द्वितीय र कक्षा ८ मा अध्ययनरत सेनी गुप्ता तृतीय भएकी छन् ।
विजयी छात्राहरूलाई कार्यक्रमका अतिथिहरूले पुरस्कार प्रदान गरेका थिए । लायन्स क्लब अफ वीरगंज ग्रीन क्याम्पसका अध्यक्ष लायन प्रजय हरलालकाको अध्यक्षतामा भएको कार्यक्रममा प्रमुख अतिथि लायन्स क्लब इन्टरनेशनलका पास्ट मल्टिपल काउन्सिल चेयरपर्सन लायन डा रमेश अग्रवाल, डिस्ट्रिक्ट क्याबिनेट सेक्रेटरी लायन वासु तिमिल्सना, डिस्ट्रिक्ट क्याबिनेट ट्रेजर लायन रामबिहारी पाण्डे, एरिया नम्बर ३ का एरिया चिफ लायन उमेश शर्मा, एरिया ट्रेजर लायन आश्मासिंह यादव, पूर्व डिस्ट्रिक्ट डेपुटी ट्रेजर लायन उमेश साह कानू, डिस्ट्रिक्ट डिपार्टमेन्ट मेम्बर लायन अजय साह, लायन रिया अधिकारी, लायन जीतेन्द्र चौधरीलगायत शिक्षक शिक्षिकाहरूको सहभागिता थियो । कार्यक्रमको सहजीकरण शिक्षिका ममताप्रिया जैसवालले गरेकी थिइन् ।
