खैरो हेरोइनसहित दुईजना पक्राउ

प्रस, वीरगंज, २४ पुस/
जिल्ला प्रहरी कार्यालय, पर्साले खैरो हेरोइनसहित दुईजनालाई पक्राउ गरेको छ । मङ्गलवार साँझ प्रहरी चौकी बसपार्कले वीरगंज–८ स्थित सडकखण्डबाट बारा, जीतपुरसिमरा उपमहानगरपालिका–७ बस्ने ३८ वर्षीय विनोदप्रसाद गुप्ताको गोजीबाट १०२ ग्राम खैरो हेरोइन बरामद भएको थियो ।

उनीसँगै रहेका सोही ठाउँ बस्ने ३८ वर्षीय फिरोज चौधरीलाई पनि प्रहरीले पक्राउ गरी लागू औषधसम्बन्धी कसूरमा अनुसन्धान भइरहेको प्रहरीले जनाएको छ ।