भारतबाट भित्र्याइएको चल्ला नष्ट

प्रस, पोखरिया, २४ पुस/
वीरगंज महानगरपालिका–२१ डोकैला बहुअरीबाट प्रहरीले ठूलो परिमाणमा बोइलर कुखुराको चल्ला बरामद गरी नष्ट गरेको छ ।

जिप्रका, पर्साका सूचना अधिकारी प्रहरी नायब उपरीक्षक कुमार विक्रम थापाले डोकैला बहुअरी प्रहरी चौकीले भारतीय नम्बरको मोटरसाइकलमा चल्ला ल्याइरहेको अवस्थामा बरामद गरेको र पशु क्वारेन्टाइनलगायतको रोहबरमा सो चल्ला नष्ट गरिएको बताए । उनले ३८०० वटा चल्ला बरामद भएको जानकारी गराएका छन् ।