प्रमोद यादव, पंचगावाँ, १६ पुस/
प्रहरी चौकी मिलनचोकका प्रहरी सहायक निरीक्षक प्रमोदप्रसाद साह तेली नेतृत्वको गस्ती टोलीले वीरगंज महानगर–३१ इस्लामपुरबाट शनिवार सालको गोलिया बरामद गरेको छ । गस्ती टोलीलाई देखेपछि तस्करहरू सालको गोलिया छाडेर फरार भएका थिए । बरामद गोलिया डिभिजन वन कार्यालय, बडनिहार राखिएको छ ।
यसैगरी, पर्सागढी नगरपालिका–३ बडनिहारबाट प्रहरीले पाँचवटा साइकलमा लोड रहेको सालको काँचो दाउरा नियन्त्रणमा लिएको छ ।
त्यस्तै, शनिवार पर्सागढी नपा–३ स्थित कर्जन्हा खोलाबाट अवैधरूपमा बालुवा उत्खनन गरेको आरोपमा एउटा ट्याक्टर प्रहरीले नियन्त्रणमा लिएको छ । नम्बर नरहेको उक्त ट्याक्टरलाई नियन्त्रणमा लिई प्रहरी चौकी बडनिहारमा राखिएको प्रहरीले जनाएको छ ।
