बाघको आक्रमणमा उरावको मृत्यु

प्रमोद यादव, पंचगावाँ, ९ पुस/
पटेर्वासुगौली गाउँपालिका–२ थरकट्टी बस्ने ३० वर्षीय मनोज महतो उरावलाई बाघले आक्रमण गरेको छ । सोमवार बिहान गहुँ हेर्न खेतमा गएका मनोजलाई बाघले आक्रमण गरेको थियो ।

जङ्गलसँग जोडिएको थरकट्टी गाउँका मनोज घर नफर्किएपछि उनलाई खोज्न स्थानीयवासीहरू जाँदा खेतनजीकैको जङ्गलमा बाघले मारेर खाएको अवस्थामा मनोजका शरीरका अङ्ग भेटिएको जिल्ला प्रहरी कार्यालय, पर्साका प्रवक्ता प्रहरी नायब उपरीक्षक कुमारविक्रम थापाले बताए । घटनाबारे अनुसन्धान भइरहेको उनले बताए ।