प्रस, पसागढी, ४ चैत/
पर्सागढी नगरपालिका–३ जनता मावि प्राविधिक शिक्षालय पकडिया बडनियारको आयोजनामा सामुदायिक विद्यालयमा प्राविधिक शिक्षा कार्यक्रम शनिवार सम्पन्न भएको छ ।
विद्यालय व्यवस्थापन समितिका अध्यक्ष रामायण चौधरीको अध्यक्षतामा भएको कार्यक्रममा विद्यालयको शैक्षिक सुधार, व्यवस्थापन, विद्यार्थीहरूलाई प्रशिक्षण, लगानी विषयमा विद्यालय व्यवस्थापन समितिका सदस्य, विद्यार्थी, सामाजिक अगुवाहरूलाई प्रशिक्षण दिइएको थियो । डा दिनेश तिवारी, बाली विज्ञ पुरुषोत्तम रौनियार, कृषि शाखा प्रमुख झर्ना क्षत्रीलगायतले सहभागीहरूलाई प्रशिक्षण दिएका थिए ।
कार्यक्रममा शिक्षा शाखा प्रमुख देवकुमार गिरी, सामुदायिक विद्यालय मा प्राविधिक शिक्षा कार्यक्रम समन्वय समितिका टीकाराम पौडेललगायतको सहभागिता थियो । कार्यक्रमको सहजीकरण राजन गिरीले गरेका थिए ।
