प्रस, वीरगंज, २७ फागुन/
आमा नेपाल फाउन्डेशनको प्रथम वार्षिकोत्सव वीरगंजको जैन भवनमा सम्पन्न भएको छ ।
आमा नेपाल फाउन्डेशन महिलाआबद्ध संस्था भएकोले अन्तर्राष्ट्रिय नारी दिवसकै दिन फाउन्डेशनको स्थापना दिवस मनाइने भएकोले विभिन्न कार्यक्रमको आयोजना गरिएको फाउन्डेशनकी अध्यक्ष प्रमिता मानन्धरले बताइन् । वार्षिकोत्सव कार्यक्रममा वीरगंज महानगरपालिकाका प्रमुख राजेशमान सिंह, उनकी पत्नी अन्नपूर्ण मानन्धर, आमा नेपाल फाउन्डेशनकी ज्येष्ठ महिला नारायणीदेवी मानन्धरलाई सम्मान गरिएको थियो ।
कार्यक्रममा वीरगंज उद्योग वाणिज्य सङ्घका पूर्वअध्यक्ष अशोक बैद, सशस्त्र प्रहरी १३ नं गणका प्रहरी नायब उपरीक्षक सन्तोष बस्नेत, जिप्रका, पर्साकी प्रहरी निरीक्षक मनीषा लौडारी, जसपा महिला फोरमकी प्रदेश उपाध्यक्ष पिङ्की यादव, ज्येष्ठ नागरिक नारायणीदेवी मानन्धर, सुशीला साह, आश्मा सिंह यादवलगायतले मन्तव्य व्यक्त गरेका थिए ।
