प्रस, परवानीपुर, २० फागुन/
होलीको अवसर पारी अभिभावक सङ्घ पर्सा वीरगंजले घण्टाघरमा आयोजना गरेको रक्तदान कार्यक्रममा ७५ जनाले रक्तदान गरेका छन् । रक्तदान गर्नेहरू सबै पुरुष छन् । रक्तदान गर्नेमा विशाल सर्राफ, सन्दीप चौरसिया, नन्दलाल रौनियार, श्याम साह, रवीन्द्र गुप्ता, कौशल सर्राफलगायत रहेको आयोजक संस्थाका अध्यक्ष सन्दीप साहले बताए ।
मधेस विश्वविद्यालयका भिसी (उपकुलपति) डा. दीपक शाक्यको प्रमुख आतिथ्यमा सम्पन्न कार्यक्रममा रक्तसञ्चार केन्द्र, वीरगंजका संयोजक सौरभराज पाण्डे, प्राविधिकहरू शेखर गुप्ता, राज पटेल, रमेश जयसवाल, सामाजिक अगुवा राजेन्द्र भट्टराईले सहजीकरण गरेका थिए ।
यसैगरी आमा नेपाल फाउन्डेशनले माईस्थान पार्कमा आयोजना गरेको रक्तदान कार्यक्रममा ८ जनाले रक्तदान गरेका छन् । सन्तोष श्रेष्ठ, सोनूकुमार सिंह, अमित सर्राफलगायतले रक्तदान गरेको रक्तसञ्चार केन्द्र वीरगंजका प्राविधिक प्रमुख सौरभराज पाण्डेले बताए ।
