प्रस, वीरगंज, १३ फागुन/
सामाजिक युवा एकता क्लबको आयोजनामा रक्तदान कार्यक्रम सम्पन्न भएको छ ।
वीरगंज महानगरपालिका वडा नं १२ ब्रह्ममन्दिर चोकमा क्लब स्थापनाको अवसरमा आयोजित रक्तदान कार्यक्रममा ११ महिलासहित ६१ जनाले रक्तदान गरेका क्लबका सल्लाहकार प्रमोद महतो धानुकले बताए ।
प्रस, पोखरिया/
पोखरिया नगरपालिका वडा नं १ वनकटवामा शनिवार रक्तदान कार्यक्रम सम्पन्न भएको छ ।
वनकटवा युवा उत्थान क्लबले आयोजना गरेको रक्तदान कार्यक्रममा ३७ जनाले रक्तदान गरेका रक्तसञ्चार केन्द्र, वीरगंजका प्राविधिक प्रमुख सौरभराज पाण्डेले बताए ।
सोहन प्रसाद, अनिल गिरी, धर्मेन्द्र चौरसिया, बाबुराम ढकाल, सुन्दर बैठा, बैधनाथ ठाकुर, अर्जुन सिंह, श्याम ठाकुर, ओजिर आलम, चन्द्रकिशोर कुमार, भोला गिरीलगायतले रक्तदान गरेका थिए ।
कार्यक्रम क्लबका अध्यक्ष उदयनारायण कुर्मीको अध्यक्ष्Fतामा भएको थियो भने उपप्रमुख रूबी ठाकुर, पूर्वनगरप्रमुख दीपनारायण रौनियार, वडाध्यक्ष लक्ष्मण साह कानू, नेपाल रेडक्रस पोखरिया उपशाखाका भगवान कुर्मी, एमाले नगरकमिटी अध्यक्ष विन्ध्याचल ठाकुर, प्रनि आयुष जोशीलगायतको सहभागिता थियो ।
