दिनेश मिश्र, वीरगंज, ७ फागुन/
अन्तरनगर कर्मचारी क्रिकेट प्रिमियर लिग–२०७९ अन्तर्गत आइतवार सम्पन्न खेलमा पोखरिया नगरपालिका विजयी भएको छ ।
पोखरिया नगरपालिकामा भएको प्रतियोगितामा टस जितेर ब्याटिङ गरेको वीरगंजले सबै विकेट गुमाएर ८२ रनमा सीमित भएको थियो ।
प्रतिउत्तरमा पोखरिया नगरपालिकाले आठ विकेट गुमाएर आठ ओभरमा लक्ष्य हासिल गरेको थियो । प्रतियोगितामा मनोज पटेलले ३९ र अरविन्द दुबेले २८ रन बनाएका थिए । प्रतियोगितामा पोखरियाका विजय साह ‘म्यान अफ दी म्याच’ घोषित भए । उनले दुई ओभरमा मात्र छ रन दिएर चार विकेट लिएका थिए । मङ्गलवार पोखरिया नगरपालिका र जगरनाथपुर गाउँपालिकाबीच हुने आयोजकले जनाएको छ ।
