प्रस, वीरगंज, ३ फागुन/
पर्सा क्रिकेट सङ्घको आयोजनामा नारायणी रङ्गशालामा भइरहेको लिग क्रिकेट प्रतियोगिता अन्तर्गत बुधवार दुईवटा खेल भएको छ ।
आज भएको खेलमा माउन्टेन हिल्सले वीरगंज युवालाई नौ विकेटले पराजित गर्दै विजय हासिल ग¥यो । टस जितेर वीरगंज युवाले ब्याटिङ गर्दै छ विकेट गुमाएर निर्धारित २० ओभरमा ८६ रन बनाएको थियो । प्रतिउत्तरमा माउन्टेन हिल्सले एक विकेट गुमाएर विजय लक्ष्य हासिल गरेको थियो । माउन्टेन हिल्सका रञ्जन यादवले अविजित ३३ र विलास यादवले अविजित चार रन बनाएका थिए । रिजवान अहमद ४४ रन बनाएर आउट भए । यो टीमलाई अतिरिक्त १२ रन प्रFप्त भएको थियो । यो खेलको म्याद अफ दि म्याच माउन्टेन हिल्सका व्यास यादव घोषित भएका थिए ।
यसैगरी आज भएको दोस्रो खेलमा युनाइटेड क्रिकेट ५३ रन अन्तरले विजयी भयो । पहिलो ब्याटिङ युनाइटेड क्रिकेटले निर्धारित २० ओभरमा छ विकेट गुमाएर १३१ रन जोडेको थियो । युनाइटेडका मन्थन यादवले २१ रन, सुरज पटेलले अविजित २७ रन, मञ्जय महतोले २६ रन, इरफान मियाँले १५ रन, अल्फाज मन्सुरीले १२ रन जोडेका थिए । यो टीमलाई अतिरिक्त नौ प्राप्त भएको थियो ।
प्रत्युत्तरमा उत्रेको गहवा स्पोर्ट्स निर्धारित २० ओभरको खेलमा आठ विकेट गुमाएर ९२ रनमा सीमित भयो । यो खेलको म्यान अफ द म्याच युनाइटेडका शमशाद मन्सुरी घोषित भएका थिए ।
