जन्मदिनको अवसरमा कम्बल वितरण

प्रस, सेढवा, ६ माघ/

जीराभवानी गाउँपालिका–२ काठमाडौंटोल निवासी सन्तोषकुमार गुप्ताले जन्मदिनको अवसरमा दलितबस्तीमा कम्बल वितरण गरेका छन् ।

गुप्ता १५ वर्ष पूरा गरी १६ वर्षमा प्रवेश गरेको अवसरमा सेढवाको मुसहरबस्तीका ९२ घरधुरीलाई जनही एउटा कम्बल वितरण गरिएको हो । गुप्ताका बुबा पशुराम साह र आमा रुन्ची देवी वैदेशिक रोजगारका क्रममा कुवेतमा  छन् ।

कार्यक्रममा बिओपी जीराभवानीका सशस्त्र प्रनि रमेश शाखः तथा सञ्चारकर्मीहरूको सहभागिता थियो । गुप्ता नेरामावि, सेढवा, बिर्तामा कक्षा ८ मा अध्ययनरत छन् ।