प्रस, वीरगंज, ३ मङ्सिर/
प्रतिनिधिसभा तथा प्रदेशसभा सदस्य निर्वाचनको लागि भोलि आइतवार हुन लागेको गणतन्त्र स्थापनापछिको दोस्रो आमनिर्वाचनमा पर्सा जिल्लाका चारवटा निर्वाचन क्षेत्रबाट १६१ जना उम्मेदवार चुनावीमा मैदानमा छन्।
१६७ जनाले मनोनयन दर्ता गरेकामा छजनाले फिर्ता लिएपछि १६१ जना भएको र सोमा चारजना महिलामध्ये एकजनाले उम्मेदवारी फिर्ता लिएपछि तीनजना महिला चुनावी मैदानमा छन्।
भोलि बिहान ७ बजेदेखि मतदान हुने तयारी छ। मतदान साँझ ५ बजेसम्म सम्पन्न हुनेछ। मतदाताहरूले प्रतिनिधिसभा तथा प्रदेशसभाका प्रत्यक्षमा एक/एकजना तथा समानुपातिकमा पनि प्रतिनिधिसभा तथा प्रदेशसभामा एक/एकजना गरी एउटा निर्वाचन क्षेत्रमा एकजना मतदाताले चारवटा मतपत्रमा मतदान गर्न पाउनेछन्। प्रत्यक्षतर्फ प्रतिनिधिसभा र प्रदेशसभाका उम्मेदवारहरूको मतपत्र रातो रड्ढो र समानुपातिकतर्फ दुवै तहका उम्मेदवारहरूको मतपत्र कालो रङको हुनेछ।
यसैगरी, पर्सा जिल्लाका चारवटा निर्वाचन क्षेत्रमा १६ जना तेस्रो लिङ्गीसहित तीन लाख ४५ हजार ९२८ जना मतदाता रहेको भोलि मतदान गर्नेछन्।
जिल्ला निर्वाचन कार्यालय, पर्साले जनाए अनुसार पर्साको निर्वाचन क्षेत्र नं १ मा पुरुष ४४ हजार ९९, महिला ३३ हजार ५७८ र तेस्रोलिङ्गी दुर्ईजना गरी ७७ हजार ८७९ जना मतदाता रहेका छन्। यो क्षेत्रमा ३४ वटा मतदानस्थल र ८८ वटा मतदान केन्द्र छन्।
यसैगरी, पर्सा क्षेत्र नं २ मा पुरुष ४९ हजार ७५, महिला ३७ हजार ८८७ र तेस्रोलिङ्गी चारजना गरी ८६ हजार ९६६ मतदाता छन्। यो क्षेत्रमा ३८ वटा मतदानस्थल र १०३ वटा मतदान केन्द्र रहेको जिल्ला निर्वाचन कार्यालय, पर्साले जनाएको छ।
यसैगरी, पर्सा क्षेत्र नं ३ मा पुरुष ५१ हजार ३६६, महिला ३९ हजार ६२ र तेस्रोलिङ्गी चारजना गरी ९० हजार ४३२ मतदाता छन् भने यो निर्वाचन क्षेत्रमा ४७ वटा मतदानस्थल र १०९ वटा मतदान केन्द्र छन्।
पर्सा क्षेत्र नं ४ मा पुरुष ५० हजार ३६४, महिला ४० हजार ४८१ र तेस्रोलिङ्गी छजना गरी ९० हजार ८५१ जना मतदाता रहेको र ४८ वटा मतदानस्थल र ११२ वटा मतदान केन्द्र रहेको जिल्ला निर्वाचन कार्यालयले जानकारी गराएको छ। पर्सा जिल्लामा सबैभन्दा बढी मतदाता क्षेत्र नं ४ मा ९० हजार ८५१ जना छन्।
यसैगरी, आठवटा क्षेत्र रहेको प्रदेशसभामा पर्सा क्षेत्र नं १ को (१)मा पुरुष २२ हजार ५६१, महिला १६ हजार ४५५ गरी ३९ हजार १६ मतदाता छन् भने २२ वटा मतदानस्थल र ४५ वटा मतदान केन्द्र छन्। क्षेत्र नं १ (२)मा पुरुष २१ हजार ५३८, महिला १७ हजार १२३, तेस्रोलिङ्गी दुर्ईजना गरी कुल ३८ हजार ६६३ मतदाता छन् भने १२ वटा मतदानस्थल र ४३ वटा मतदान केन्द्र छन्।
पर्सा क्षेत्र नं २ (१) मा पुरुष २४ हजार ६३१, महिला १९ हजार २११, तेस्रोलिङ्गी दुर्ईजना गरी कुल ४३ हजार ८४४ मतदाता रहेको र २१ वटा मतदानस्थल तथा ५२ वटा मतदान केन्द्र छन्। क्षेत्र नं २ (२) मा पुरुष २४ हजार ४४४, महिला १८ हजार ६७६, तेस्रोलिङ्गी दुईजना गरी ४३ हजार १२२ मतदाता रहेको र १७ वटा मतदानस्थल र ५१ वटा मतदान केन्द्र छन्।
पर्सा क्षेत्र नं ३ (१) मा पुरुष २४ हजार ९३०, महिला १९ हजार ४६२, तेस्रोलिङ्गी एकजना गरी ४४ हजार ३९३ मतदाता छन् भने २२ वटा मतदानस्थल र ५१ वटा मतदान केन्द्र छन्। क्षेत्र नं ३ (२) मा पुरुष २६ हजार ४३६, महिला १९ हजार ६००, तेस्रोलिङ्गी तीनजना गरी ४६ हजार ३९ मतदाता र २५ वटा मतदानस्थल तथा ५८ वटा मतदान केन्द्र छन्।
पर्सा क्षेत्र नं ४ (१) मा पुरुष २३ हजार ९०२, महिला २० हजार २७२ र तेस्रोलिङ्गी तीनजना गरी ४४ हजार १७७ जना मतदाता, २५ वटा मतदानस्थल र ५५ वटा मतदान केन्द्र छन्। क्षेत्र नं ४ (२) मा पुरुष २६ हजार ४६२, महिला २० हजार २०९, तेस्रोलिङ्गी तीनजना गरी ४६ हजार ६७४ मतदाता, २३ वटा मतदानस्थल र ५७ वटा मतदान केन्द्र रहेको जिल्ला निर्वाचन कार्यालय, पर्साले जनाएको छ।
जिल्ला निर्वाचन कार्यालय, पर्साले चारवटा सङघीय निर्वाचन क्षेत्र, आठवटा प्रदेशसभा क्षेत्र रहेको पर्सा जिल्लामा पुरुष एक लाख ९४ हजार ९०४, महिला एक लाख ५१ हजार आठ र तेस्रोलिङ्गी १६ जना गरी तीन लाख ४५ हजार ९२८ मतदाता रहेको र कुल मतदानस्थल १६७ र मतदान केन्द्र ४१२ वटा रहेको जानकारी गराएको छ।
