चिरञ्जीवी सापकोटा, ठोरी, १५ भदौ/
हरितालिका तीजको अवसरमा ठोरी गाउँपालिका वडा नं १ मा जारी तीज कप नकआउट फूटबल प्रतियोगिताको दोस्रो सेमिफाइनल खेलमा गोल्डेन इमिनेट वसन्तपुर, माडीलाई पराजित गर्दै निर्मल समाज युवा क्लब, ठोरी–४ फाइनलमा प्रवेश गरेको छ ।
निर्मल समाज युवा क्लबको १७ गते हुने फाइनल खेलमा वनशक्ति युवा क्लब, ठोरी–२ सँग आमनेसामने हुने पक्का भएको छ । निर्धारित समयमा दुवै टीमबाट कुनै पनि गोल हुन नसकेपछि टाइब्रेकरमा गोल्डेन इमिनेटलाई ५–४ गोल अन्तरले पाखा लगाउँदै निर्मल समाज युवा क्लबले फाइनलमा वनशक्ति युवा क्लबसँगको भेट पक्का गरेको हो । यस खेलको ‘म्यान अफ दी म्याच’ निर्मल समाज युवा क्लबका गोलरक्षक प्रवीण लामा घोषित भए ।
